recent
قد يعجبك

ابدأ ازاى CMA.

في هذا الموضوع نتحدث عن كيفية البدء في دراسة cma , وماذا يحتاج الدارس ليبدأ دراسة منهج شهادة cma

كيف ابدأ دراسة cma ؟ أو ماهى طريقة دراسة CMA ؟

* بما إنك قررت البدء بدراسة شهادة cma لازم تعرف إن الشهادة دي تختص بمحاسبة التكاليف والمحاسبة الإداريه والماليه وبعض الموضوعات الأخري الخاصة بمجال عمل المحاسب الإداري , يعني مش هتدرسها عشان تبقي مراجع او محاسب قانونى مثلا , ولكن هتدرسها عشان تبقي مخصص ف شركتك لاتخاذ القرارات ومناقشة أمور خاصه بالتكاليف والأمور الماليه وهكذا.

كيف ابدأ دراسة cma ؟

# علشان تبدأ في دراسة CMA هتحتاج تمشي على بعض الخطوات واللى تم تلخيصها في النقاط الآتية.

1- جدول مذاكرة CMA.

2- محاضرات شرح منهج CMA.

3- كتاب شرح منهج CMA.

4- كتاب اسأله CMA.

5- قاموس ترجمة "موقع أو تطبيق".

6- مذكرة لعمل ملخص او تسجيل ملاحظات CMA.

أولا :: خطة مذاكرة او دراسة CMA.

* قبل ماتبدأ تكون عارف نفسك هتذاكر ازاي وامتي والكميه والمدة قد ايه ودا كله هيكون ف الجدول اللي انت هتعمله طبقا ل طريقة المذاكرة اللي تريحك وتتماشي مع يومك, وممكن تمشي على الطريقة دى "طريقة مذاكرة cma" أو تعدل فيها حسب رؤيتك, وملخص الطريقة كالآتى:

ملخص طريقة مذاكرة CMA.

* خصص ٣ ساعات يوميا ، كل موضوع من موضوعات الوحدة ف يوم ، ال٣ ساعات دول لازم تنجز فيهم الآتي.

1- متابعة المحاضرة الخاصة بالموضوع وأثناء متابعتك تسجل ملاحظاتك للنقاط الهامة اللي بتكون موضع لعب ف الأسأله ودي انت هتعرفها لوحدك والمحاضر بردو هتلاقيه بيركز عليها.

2- بعد المحاضرة هتقرا الموضوع من الكتاب عشان تتعرف على مفردات الموضع وتركز عليها وتفهم معناها, وكثرة القراءة هتساعدك انك تتدرب بشكل كبير على سرعة القراءة لأن دا هيفيدك في توفير الوقت أثناء الإمتحان الرسمي.

3- بعد قراءة الموضوع من الكتاب سواء جليم أو هوك (حسب اختيارك للمحاضر والكتاب) هتحل الاساله الخاصه بالموضوع طبقا للمرحلة الأولي من مراحل حل الأسألة واللى تم توضيحهم هنا .. طريقة حل أسأله cma.

# لو وقتك ميسمحش بتخصيص ٣ ساعات متواصلة.

* قسم وقتك بحيث تطلع من اليوم ب٣ ساعات ، خصص من ال٣ ساعات دول وقت المحاضرة ف فترة من اليوم ، وخصص فترة تانية من اليوم لحل الاساله ، وخصص فترة تالته للقراءة من الكتاب.

ثانيا :: محاضرات شرح منهج CMA.

* المحاضرات اصبحت متوفرة من اكتر من محاضر على يوتيوب, فانت تتابع جزء من شرح كل محاضر وتحدد أى منهم طريقة شرحه تتناسب معاك وتستمر معاه, وهنا المحاضرين اللى بيشرحوا CMA على يوتيوب.... محاضرات CMA على اليوتيوب , وعلى موقع ARABCMA في كورس CMA كامل PART 1 لأربع محاضرين معدل ومرتب طبقا لأحدث إصدار من كتاب جليم بالإضافة لبعض الاسئلة في صورة FLASH CARD على كل وحدة من وحدات منهج CMA PART 1.

ثالثا :: كتاب شرح منهج CMA.

* بعد ما أنهيت المحاضرة لا بد من قراءة الموضوع من كتاب الشرح لان عرفنا ان القراءة هتفيدنا في سرعة فهم المحتوى وتوفير الوقت واكتساب مصطلحات جديدة.

* احرص علي القراءة ، ممكن تواجه صعوبة ف البدايه لكن فيما بعد هتلاقي المفردات بتتكرر.

* بالنسبة للكتب , يوجد أكتر من ناشر معتمد لدى معهد IMA وكتب أخري لناشرين آخرين ولكن أشهر الكتب الخاصة بدراسة منهج CMA هما كتاب هوك وجليم, ومن بينهم معظم المحاضرين بيشرحوا من جليم فانت تقرأ من الكتاب اللى هيشرح منه المحاضر عشان تكون ماشي معاه من حيث الترتيب في دراسة المنهج, وهنا هتلاقي موضوع يوضحلك الفرق بين كتاب جليم وهوك وازاى تحدد الكتاب الأنسب ليك كتب الشرح والأسألة لـ CMA.

* وهنا => قناة ARABCMA على تليجرام والخاصة بالموقع واللى بتحتوى على كتب شرح منهج CMA للإصدارت الأحدث المتاحة , وأيضا بيتم نشر أى تحديثات أو إضافات على موقع ARABCMA

رابعا :: كتب الأسئلة لمنهج CMA.

* بعد ما قريت الموضوع من الكتاب هتحل عليه , في اكتر من كتاب للاساله ، هوك - جليم - ويلي - الريتايرد الخاص بالمعهد نفسه ، ولكن افضل الكتب هما جليم والريتارد , لأن كتاب جليم هو افضل كتاب مقارب لأفكار وشكل اسئله امتحان CMA طبقا لكلام العديد من الدارسين اللى خاضوا امتحان CMA بالفعل.

* اساله امتحان CMA خارج التوقعات "نصاََ" ولكن هتقابل أسئلة بأفكار مشابهة لأسئلة كتاب جليم والريتايرد , بطريقة مختلفة.

* اسئلة كتاب الريتايرد هى اسأله الامتحان الفعليه الخاصة بالسنوات او الامتحانات السابقة يعني نقدر نشبهه بدليل التقويم لكتب وزارة التعليم ، وطبعا دا مهم جدا ولابد من حله وفهمه قبل الامتحان.

* ولو تبقي معاك وقت بعد حل جليم والريتارد ابدأ حل من كتاب هوك ومن ثَم وايلي , كتاب هوك اسئلته مشابهة لكتاب جليم فيعتبر مصدر جيد للمزيد من أفكار الأسئلة , ولكن كتاب وايلي مستواه صعب واسئلته غالبا مابيكون منها شكاوى بسبب خروجها احيانا عن مستوى دراسة CMA.

* وفي سلسلة من الموضوعات تم نشرها على موقع ARABCMA وهى امتحانات أو اختبارات تجريبية على منهج CMA PART 1 على كل وحدة وكل سكشن وعلى PART 1 بالكامل, تحتوى على امتحانات مشابهة لنظام الإمتحان الرسمي للتدريب على واجهة امتحان CMA الرسمية.

خامسا :: قاموس أو موقع للترجمة.

* بالنسبه للغة والمصطلحات فمن الطبيعي وجود صعوبة في البداية , ولكن بالاستمرار  هتتغلب على صعوبة اللغة ، فممكن تستعين بموقع ترجمة أو تطبيق لمساعدتك في فهم المصطلحات اللى هتقابلها لأول مرة لأنك محتاج تعرف وتفهم كافة المصطلحات اللى هتقابلك في دراسة CMA.

سادسا :: مذكرة (لتسجيل الملاحظات).

* يفضل انك انت بنفسك تستخرج نقاط الموضوع اللى هتذاكره وتكتبها بإيدك لأن اللى انت كاتبه هيسهل عليك مراجعته وفهمه فيما بعد, سواء كنت بتستخرج نقاط معينة من المحاضرة أو بتلخص الموضوع فانت اعتمد على فهمك بنفسك للموضوع واللى هيخليك تلخص الموضوع او تستخرج نقاطه المهمة طبقا للى انت فهمته.

* لاحظ إنك مش هتسجل كل حرف ينطقه المحاضر وكأنك في محاضرة جامعية ولكن في أفكار بتيجي أثناء الشرح بتكون مهمة جدا , أو افكار محتاج تفهمها أكتر , او تلخيص لأهم نقاط الموضوع.

سابعا :: ملاحظات مهمة لدراسة CMA.

1- بعد نهاية كل وحدة اعمل مراجعه علي اللي فات ودي ممكن تقرا فيها ملاحظاتك السابقة وتحل اسألة عشوائية للوحدات السابقة عشان متنساش الموضوعات دي.

2- متحفظش كلمات مفردة ، افهم معني الكلمه وسط الجمله.

3- متعملش قاموس ترجمة بنفسك وتفضل كل ماتقابل كلمة جديدة تكتبها وتروح تترجمها كدا هتضيع وقت عالفاضي.

4- متبدلش بين محاضر والتاني لان في محاضرين بترتب الموضوعات من تاني اثناء شرحها يعني ممكن جزئية ف الوحدة الخامسة يشرحها المحاضر ف الوحدة السادسة او السابعه عشان يسهل عليك الموضوع بشكل اكبر فانت م البدايه تختار المحاضر اللي هتبدأ معاه.

5- دي بعض النصائح اللى ممكن تفيدك في دراسة منهج CMA... نصائح لمذاكرة وحل اسئلة CMA

Reactions:
author-img
mohamed ashry

تعليقات

20 تعليقًا
إرسال تعليق
  • Unknown photo
    Unknown12 أبريل 2020 في 4:38 ص

    جزاك الله كل خير

    حذف التعليق
  • Salahayano photo
    Salahayano9 يونيو 2020 في 3:19 م

    برافو عليك .. عمل اكثر من رائع
    ربنا يجعله فى ميزان حسناتك محمد بيك

    حذف التعليق
  • Mahmoud abdullah photo
    Mahmoud abdullah25 يونيو 2020 في 6:18 م

    انا طالب بالفرقه الرابعه وهمتحن كمان اسبوع، هل لو انا قدمت حاليا هستفاد بالخصم الخاص بالطلاب؟ وممكن لو فى فيديو يوضح طريقة التقديم على الموقع

    حذف التعليق
    • mohamed ashry photo
      mohamed ashry28 يناير 2021 في 8:43 ص

      بعتذر عن الرد ف التأخير ولكن الخصم متاح دايما ان شاء الله لحد ما الموقع نفسه يوقفه وانا كنت كاتب موضوع عن التسجيل تقدر تشوفه من هنا
      https://www.arabcma.com/2020/01/register-site.html

      حذف التعليق
    • Mohamed ahmed mobark photo
      Mohamed ahmed mobark17 ديسمبر 2020 في 4:01 ص

      محمد عشري دفعتي وابن مركزي
      وفقك الله ❤️

      حذف التعليق
    • Mohamed ahmed mobark photo
      Mohamed ahmed mobark17 ديسمبر 2020 في 4:01 ص

      محمد عشري دفعتي وابن مركزي
      وفقك الله ❤️

      حذف التعليق
      • ali elgendy photo
        ali elgendy6 يناير 2022 في 12:47 م

        انا بالكويت اقدر اشترك معاكم وابدا دراسه اون لاين وهمتحن فين

        حذف التعليق
        • Unknown photo
          Unknown3 أبريل 2022 في 12:43 م

          هو انا اقدر اخد الكورس وانا بدرس

          حذف التعليق
        • Unknown photo
          Unknown9 أبريل 2022 في 4:07 ص

          ما شاء الله علي من قام بهذا الموقع ومحتواه وجزاه الله كل خير علي تعبه وعمله مجانا جهد مشكور منهم وجزاهم الله كل خير واشكر من دلني علي هذا الموقع المحترم

          حذف التعليق
        • غير معرف14 يونيو 2022 في 10:32 ص

          انا حاصل علي دبلوم 3 سنوات محاسبة ادارة مالية ولدي خبره 6 سنوات في المجال هل اقدر احصل علي الشهادة

          حذف التعليق
        • غير معرف20 يوليو 2022 في 12:08 م

          هل ممكن ابنى يسجل وهو ما زال فى الفرقة الثاليه اقتصاد وادارة باللغة الانجليزية

          حذف التعليق
          • mohamed ashry photo
            mohamed ashry20 يوليو 2022 في 2:10 م

            ايوة يقدر يسجل وكمان يقدر يقدم علي منحة CMA اللي بيقدمها معهد IMA مجانا لطلبة الكليات.

            حذف التعليق
          • غير معرف1 أغسطس 2022 في 9:50 م

            ممتازين .. شكرا لوقتك وتعبكم

            حذف التعليق
          google-playkhamsatmostaqltradent